Machchhar Bhagane ke 3 Saste aur Gharelu Upay

machchhar bhagane ke gharelu upay - hindi fun box

Jaisa ki aap sab jante hai ki filhaal august ka mahina chal rha hai yaani rain ka mausam. Aur is mausam me chhat par, khule me rakhe hue kabadi ke saman me tatha purane tyres jaisi bekaar pdi chijon me  barsat ka pani jama hota hai aur isi pani me thode hi dino me machchhar jama hone lagte hai.  

Kul milakar is tarah ka jama hua pani machchharo ka ghar ban jata hai. Iska ek ilaaj ye hai ki is tarah ki chijo me pani ko jama hi na hone diya jae. 

Lekin agar ye samasya ham apne ghar se nikaal denge par padosh ke gharo me agar ese halaat hai to iska ilaaj kya karen ? 

Padosh ke gharo me machchhar ka aashraysthan banega to ykinn machchhar hamare ghar me bhi aa hi jaenge. 

Ab machchharo ko ghar me aane se rokne ke lie market me kai tarah ke sadhan, agarbatti, aur liquid mil jaenge par uske lie badi price bhi chukani padegi. Iske alawa kuchh ese gharelu upay bhi hai jiske upyog se ham asani se machchharo ko ghar se dur rakh sakte hai. Ese 3 upay yahan diye gae hai. 

1). Koyla aur Santre ka Chhilka
Aap koyle me santre ke sukhe chhilke ko jalakar dhuan kar sakte hai. Is dhuen ko kamre me achchhe se faila dene se machchhar ghar se bahar nikal jaenge. 

2). Kapur
Kapur machchhar bhagane ka sabse asan tarika hai. Kapur ki 1 yaa 2 chhoti tikiyaa jalane se 15 - 20 minutte me hi machchhar ghar se bahar chale jaenge. 

3). Lavender Room Freshner 
Machchharo ko lavender ki khushbu bilkul pasand nahi hoti. Aap lavender ke room freshner ka istemal kar ke bhi machchharo ko ghar se bahar rakh sakte hai. 

No comments: